Zvicra e nisi mirë kualifikimin për Kampionatin Evropian, duke mposhtur Bjellorusinë 5-0. Izraeli është në pritje të ndeshjes së dytë në grup të martën. Trajneri i Natit, Murat Yakin dhe kapiteni Granit Xhaka flasin për pritshmëritë, shkruan Blick, përcjell Albora.ch.
![](https://www.albora.ch/wp-content/uploads/2023/01/ozone_zak_gif.gif)
Xhaka foli për herë të parë pas udhëtimit shpërthyes në Novi Sad (Serbi) për ndeshjen e parë kualifikuese kundër Bjellorusisë. Ai nuk mund të tregonte shumë, por thotë se udhëtimi ishte diskutuar në detaje paraprakisht. Në fund ishte e gjitha për sportin dhe fitoren e parë në kualifikueset e Kampionatit Evropian.
“Kjo është për këdo që thotë se nuk jam krenar”
Xhaka: “ Ne respektojmë çdo kundërshtar. Do të jetë e vështirë të arrish dhjetë fitore nga dhjetë ndeshje. Por është gjithmonë e mundur. Këtë pritshmëri e kemi nga vetja”. Këtu futet trajneri Yakin . “Ne do të luajmë kundër Izraelit, ky është fokusi ynë. Gjithçka tjetër vjen më vonë. Do të jetë një ndeshje e vështirë”. Zvicra nuk ka mundur të fitojë kundër Izraelit në tre ndeshjet e fundit. Kjo duhet të ndryshojë të martën në Stade de Geneve.
Pas përballjes, Xhaka është ende pesë ndeshje larg para se të bëhet rekordmeni i kombëtares.
Kapiteni i Natit: “Jam krenar për këtë markë – sidomos për të gjithë ata që thonë se nuk jam krenar që luaj për Zvicrën. Nuk është kështu”.
Albora.ch