Ukraina po thërret! Thirrjet në Twitter, Instagram dhe Facebook aktualisht po u bëjnë thirrje vullnetarëve që t’i bashkohen luftës kundër forcave ruse.
Shkak për këtë ishte presidenti ukrainas Volodymyr Zelensky, i cili njoftoi themelimin e një legjioni ndërkombëtar me 16 mijë luftëtarë.
Shtetasit e huaj që dëshirojnë të luftojnë në Ukrainë duhet të paraqiten në ambasadën e Ukrainës në vendin e tyre.
“Kushdo që dëshiron të bashkohet me mbrojtjen e Ukrainës, Evropës dhe botës mund të vijë dhe të luftojë së bashku me ukrainasit kundër kriminelëve rusë të luftës”, tha Zelensky.
Qindra njerëz nga Britania e Madhe, Kanadaja, SHBA dhe madje edhe Japonia janë në rrugën e tyre për në Ukrainë ose janë tashmë atje.
Me sa duket po përfshihet edhe Zvicra, dy persona tashmë kanë dalë vullnetarë për të shkuar në luftë për Ukrainën. Aktualisht ambasada po shqyrton hyrjen e tyre në shërbimin ushtarak. Mbetet e paqartë nëse ata janë shtetas zviceranë.
Por qytetarët zviceranë që ndjekin thirrjen e Selenskit përballen me një dënim me burg deri në tre vjet, thotë Florian Menzi, zëdhënës i medias për sistemin e drejtësisë ushtarake.
Megjithatë, në kontekstin e dënimit, mund të jetë e rëndësishme nëse një mision luftarak është kryer apo jo./albora.ch/
Are you a foreigner who wants to fight for Ukraine?
— Euromaidan Press (@EuromaidanPress) March 2, 2022
Here is a step-by-step guide to joining the Territorial Defensehttps://t.co/2zLP2ksWjY pic.twitter.com/QNKiFUDYWm
