Qindra qytetarë shkodranë kanë dalë të protestojnë këtë pasdite kundër rritjes së çmimeve.
![](https://www.albora.ch/wp-content/uploads/2023/01/ozone_zak_gif.gif)
Në shenjë proteste për naftën, ata kanë vendosur të bllokojnë qarkullimin duke fikur automjetet në qytet dhe kërkojnë reagimin e qeverisë, shkruan Tch.
Me pankarta në duar, ata kanë kërkuar edhe uljen e çmimeve të produkteve të shportës, të cilat kanë pësuar rritje në ditët e fundit.
Edhe në qytetet e tjera si në Tiranë, Durrës, Lushnje, Mirditë, Berat, Korçë dhe Prrenjas po zhvillohen protesta.
Çmimet e karburanteve vazhdojnë të thyejnë rekorde në vend. Të mërkurën, shifra arriti në 260 lekë/litri, ndërsa të gjitha produktet e shportës po ashtu janë shtrenjtuar në tre muajt e fundit.
Pasditen e djeshme, qytetarët u ngritën në protesta në qytetet kryesore të vendit. Në kryeqytet ishte pjesëmarrja më e madhe. Nën moton as të majtë, as të djathtë, por popull, qytetarët kërkuan nga qeveria uljen e taksave, subvencione dhe ngrirjen e çmimeve për produktet e shportës. /albora.ch/
Lexo edhe: