Liverpooli ka mposhtur Nottinghamin me rezultat 3-2 në kuadër të javës së 32-të të Ligës Premier.
![](https://www.albora.ch/wp-content/uploads/2023/01/ozone_zak_gif.gif)
Pjesa e parë edhe pse ishte interesante dhe me raste, por që nuk kishte gola.
Me të filluar pjesa e dytë Liverpooli hapi ndeshjen me golin e shënuar nga Diogo Jota që përfitoi nga asistimi i Fabinhos (1-0).
![](https://telegrafi.com/wp-content/uploads/2023/04/ef76feaabce14033d764939f14a25781o2.jpg)
Por pas katër minutash Morgan Gibbs-White asistoi te Neco Williams që shënoi për 1-1.
Në minutën e 55-të, Liverpooli sërish mori epërsinë, kur Diogo Jota shënoi golin e dytë personal për 2-1.
Por mysafirëve që iu duheshin pikët në këtë takim, nuk u ndalën dhe shënuan me Morgan Gibbs-White për 2-2.
![](https://telegrafi.com/wp-content/uploads/2023/04/71c30d6da0e58b65001398855a39d37eo2.jpg)
Liverpooli në anë tjetër nuk e pranoi këtë rezultat dhe ktheu epërsinë në minutën e 70-të me Mohamed Salah që shënoi për 3-2.
Deri në fund edhe pse të dy skuadrat tentuan të shënonin, më nuk kishte gola dhe Liverpooli mori fitoren e dytë me radhë.
Liverpooli ka 50 pikë dhe afrohet me zonën e Ligës së Kampionëve, pasi është në pozitën e shtatë.