Lajmi për përparimin e Kosovës në Indeksin e perceptimit të korrupsionit për vitin 2021 sipas Transparency International, e ka gëzuar raportuesen për Kosovën në Parlamentin Evropian, Viola Von Cramon.
![](https://www.albora.ch/wp-content/uploads/2023/01/ozone_zak_gif.gif)
Von Cramon e ka quajtur si shpërblim të vogël për të gjithë në Kosovë. “Me të vërtetë lajme të mira për Kosovën sa i përket luftës kundër korrupsionit dhe krimit të organizuar. Kosova ka lëvizur lartë për 17 vende në indeksin e perceptimit të korrupsionit. Shpërblim i vogël për të gjithë në Kosovë”, ka shkruar Von Cramon.
Organizata ndërkombëtare Transparency International që merret me luftën kundër korrupsionit në 180 vende të botës, ka renditur Kosovën në vendin e 87 nga 180 vende sa i përket luftës kundër korrupsionit.
Derisa, në vitin 2020 kjo organizatë kishte renditur Kosovën në vendin e 104, kështu duke shënuar përparim për 17 vende në vitin që lamë pas. /albora.ch/
Good news indeed on #Kosovo regarding the fight against corruption and organised crime. 🇽🇰 has the jumped up the @anticorruption index 17 ranks. Small award for everyone in Kosovo! https://t.co/rKEgjD24p8
— Viola von Cramon (@ViolavonCramon) January 25, 2022