![](https://www.albora.ch/wp-content/uploads/2023/01/ozone_zak_gif.gif)
Presidenti ukrainas, Volodymyr Zelenskyy, u ka shpëtuar tre atentateve gjatë javës së kaluar.
Skynews raporton se mercenarët e grupit Wagner që mbështeten nga Kremlini dhe forcat speciale çeçene janë dërguar me misionin për ta vrarë Zelenskyyn javën e kaluar.
Mendohet se Ukraina ishte informuar për të paktën disa nga këto plane. Kjo është bërë e ditur nga agjentët e dyfishtë brenda FSB-së(Shërbimi i Sigurisë së Rusisë) të cilët kanë alarmuar zyrtarët ukrainas.
Sekretari i Sigurisë Kombëtare dhe Mbrojtjes së Ukrainës konfirmoi tre atentatet dhe tha për shtypin lokal se kishte marrë informacion nga agjentët e dyfishtë “të cilët nuk duan të marrin pjesë në këtë luftë të përgjakshme”.
Një nga grupet që thuhet se u përpoq të vriste Zelenskyn, ishte Grupi Wagner – i cili ka 400 anëtarë të vendosur në Kiev pasi anëtarët depërtuan në Ukrainë me një ‘listë vrasjesh’ me 24 emra./albora.ch/