Shiu i rrëmbyeshëm shkatërroi disa pjesë të Ballkanit për ditë të tëra: qytete të tëra u fundosën nën ujë dhe një numër banorësh duhej të shpëtoheshin, shkruajnë mediat austriake, përcjell Albora.ch.
Përmbytjet e mëdha po godasin Ballkanin në një periudhë shumë të pazakontë të vitit.
Jeta u përmbys në disa qytete: disa shkolla duhej të mbylleshin. Nga stuhia janë goditur Serbia, Bosnje-Hercegovina, Mali i Zi, Shqipëria dhe Kosova. Reshjet e vazhdueshme kanë bërë që shumë lumenj të derdhen, të cilët kanë përmbytur shtëpitë dhe rrugët e qarkullimit.
Në Kosovë, pjesa veriore e qytetit të Mitrovicës dhe fshatrat përreth janë prekur veçanërisht nga vërshimet. Dy ndërtesa banimi janë evakuuar në lagjen e Boshnjakëve në veri të Mitrovicës. Në fshatin Zveçan në veri të Mitrovicës janë përmbytur 50 shtëpi.
Përmbytjet u shkaktuan nga shirat e rrëmbyeshëm dhe temperaturat e larta të paarsyeshme. Shirat e dendur të këtij lloji zakonisht nuk ndodhin atje në dimër. Disa zona në Kosovë dhe në Serbinë jugore nuk kishin ujë të pijshëm.
Albora.ch.
