Brigada e zjarrfikësve dhe policia ishin në shërbim në burgun Horgen të hënën në orët e vona të mbrëmjes. Arsyeja ishte se një i burgosur i vuri zjarrin qelisë.
Sipas Drejtorisë së Drejtësisë dhe Punëve të Brendshme, zjarri është shuar para se të përhapet në pjesë të tjera të ndërtesës, shkruan 20min. Nuk dihet se si e ka ndezur zjarrin i burgosuri, por rasti po hetohet, transmeton albora.ch.
Sipas njoftimit, 22-vjeçari ka pësuar lëndime të rënda djegieje dhe është dashur të dërgohet menjëherë në spital.
Nuk ka persona të tjerë të lënduar. Megjithatë, ka pasur dëme të mëdha materiale. Hetuesit e zjarrit nga policia kantonale e Cyrihut tani janë duke sqaruar shkakun e zjarrit dhe më pas i raportojnë prokurorit publik përgjegjës. /albora.ch/
Lexo edhe: